1. |
Fammi passari
03:45
|
|||
|
Fammi passari
Ahi fammi passari sti mali pinzeri,
Ahi fammi livari sti mali chiffari.
E ninnini e ninnina e la notti si nni va,
E ninnini e ninnina e la notti si nni va.
Ahi fammi passari sti mali pinzeri,
Ahi fammi livari sti mali chiffari.
Levimi lu mali, levimi, levimi tuttu lu mali,
Levimi lu mali, levimi, levimi tuttu lu mali.
E ninnini e ninnina e la notti si nni va,
E ninnini e ninnina e la notti si nni va.
|
||||
2. |
Sciuscia lu ventu
03:49
|
|||
|
Sciuscia lu ventu
Ahi, ahi, ahi, sciuscia lu ventu e sciusci tu, timpiritampi e timpiritu.
Vola, vola, vola, cavazza bianca nun ti vidu cchiù, timpiritampi e timpiritu.
Tira, tira, tira, tira la riti e portala su, timpiritampi e timpiritu.
Balla, balla, balla, ca oggi ci semu e dumani no, timpiritampi e timpirito.
Ioca, ioca, ioca, ioca e un t'avviliri,
Ca lu munnu gira finu a scumpariri.
Ioca, ioca, ioca, ioca e un ci pinzari,
Ca lu munnu sulu tu nun po' canciari.
Ioca, ioca, ioca, Pasquali mi dicia:
“Sa puliziari fora prima pulizia a ttia,
Ca di rasciu in giru iu ni vidu assai
Ma si vo aggiustari accumincia de to guai”.
Timpiritampi e timpiri.
Ahi, ahi, ahi, mi vidisti ora e un mi vidi cchiu, timpiritampi e timpiritu.
N'chiana, n'chiana, n'chiana, ca dopu scinniri hai puru tu, timpiritampi e timpiritu.
Parla, parla, parla, ca dopu sentiri hai puru tu, timpiritampi e timpiritu.
Ntrichiti, ntrichiti, ntrichiti, ca dopu tu ti fai i fatti to, timpiritampi e timpirito.
Timpiritampi e timpirito.
|
||||
3. |
L'acqua scurri
03:04
|
|||
|
L’acqua scurri
Quannu l’acqua scurri
A sciumi supra li me carni,
Lu me cori svulazzia
Comu na palumma bianca.
Scurri, l’acqua scurri, l’acqua scurri, l’acqua scurri.
Scurri, l’acqua scurri, l’acqua scurri, l’acqua scurri.
Stuta lu focu ca dintra mi ardi
E mi divura tuttu.
E profumatu e lindu
Cu ttia mi curcu n’da lu lettu.
Scurri, l’acqua scurri, l’acqua scurri, l’acqua scurri.
Scurri, l’acqua scurri, l’acqua scurri, l’acqua scurri.
|
||||
4. |
Anciulu mia
05:42
|
|||
|
Anciulu mia
Oh anciulu mia iu cercu la paci
Ma la trovu sul unni la to vuci.
Ah iu po n'to baciu finissi n’cruci
E pi li to occhi supra alla braci.
E giru comu na strummula,
Comu na nuvula trubbula, trubbula
E ballu comun a fimmina
Quannu la pizzica la tarantula.
Cu dici ca ogni acqua leva la siti
Nun canusci la me arsura ca sulu tu quieti,
Fora di stu varcuni vi pregu nisciti
Ca puru la luna e li stiddi cuntenti fasciti.
E giru comu na strummula
Comu na nuvula trubbula, trubbula
E ballu comun a fimmina
Quannu la pizzica la tarantula.
|
||||
5. |
Alaccia
03:01
|
|||
|
Alaccia
Alaccia centu spini comu rosa,
Saziasti a fami mia e da me casa,
Cu ttia fui patruni d’ogni cosa,
Cu la to carni fatta Lipadusa.
Lu piscaturi quannu si riposa,
A terra sputa e inveci nun la vasa,
Lu vinu voli e a latu la so sposa,
U Pantaloni bonu e nna cammisa,
Un pezzu e pani duru cu n’alaccia,
Na fisarmonica e na tirata e boccia,
Un rappu di racina coccia a coccia,
E prima di curcarisi na lavata e faccia.
Ora l’alaccia pari cosa fitusa
E quannu iemu a fari la spisa
Ca lu carrellu pari a nostra chiesa,
U inchemu chinu ca ci vonnu pusa,
Tri quarti di li cosi su munnizza,
Però a nuatri pari na spirtizza.
Di piscaturi ora un ci nn’è cchiu,
Comu si po campari dimmellu tu.
Ca Lipadusa ormai esti New york
E' china di signura e china e locchi
E ni scurdammu u sciavuru di lu sali
Mi pari ca semu mbarcati mali.
|
||||
6. |
Ti susi di matina
03:02
|
|||
|
Ti susi di matina
Ti susi di matina e va travagghi e ti rumpi a schina.
Ti susi di matina e va travagghi e ti rumpi a schina.
Vita mia nunn’haiu dinari
Nun ti pozzu maritari.
Vita mia ti vogghiu amari
Mi nni vaiu n’menzu di lu mari.
Ti susi di matina e va travagghi e ti rumpi a schina.
Ti susi di matina e va travagghi e ti rumpi a schina.
Vita mia tornu di tia
Pani e carizzi ti pozzu dari,
C’è cu n’grassa cu lu me suduri
Ma nun sapi soccu è l’amuri.
Ti susi di matina e va travagghi e ti rumpi a schina.
Ti susi di matina e va travagghi e ti rumpi a schina.
|
||||
7. |
U ballu do ribelli
03:43
|
|||
|
U ballu do ribelli
Lu figghiu mia beddu partiu pi surdatu,
Pi serviri na patria ca nenti mai c'ha datu,
Na patria ca difenni a cu c’havi li sordi
E mutta intra la fossa a chiddi povereddi.
U ballu do ribelli, u ballu do ribelli, u ballu do ribelli.
Ma lu me figghiu inveci e mittirisi a sparari
A l’avutri piatusi li vosi risparmiari,
Pigghiò l’arma n’de manu e si misi a sparari
Ai re e a li patruna ma u fisciuru acchiappari
E n’carciri iu a finiri e n’carciri iu a finiri e n’carciri iu a finiri.
U ballu do ribelli, u ballu do ribelli, u ballu do ribelli.
I giudici, i parrina, i ministri e i deputati
Parlavanu d’amuri ca furca n’da li manu,
Dicivunu di ordini, giustizia e di onestà
E amentri si manciavunu tutta la società.
U ballu do ribelli, u ballu do ribelli, u ballu do ribelli.
“A ssu ribelli tintu ni l'hama cutuliari”
Dicia u primu ministru a lu teleggiornali
Ma lu me figghiu beddu scappava n'di la notti,
Supra un cavaddu biancu c'havia li ali d'oru
E si per casu ora u vulissuvu vardari,
Addivintò na stidda vicinu di lu mari
Ca brilla e riluci d'amuri e verità
E stidda chi si chiama Rivoltà e Libertà.
E stidda chi si chiama Rivoltà e Libertà
E stidda chi si chiama Rivoltà e Libertà.
U ballu do ribelli, u ballu do ribelli, u ballu do ribelli.
|
||||
8. |
Vita da vita mia
03:19
|
|||
|
Vita da vita mia
Passu li notti insonni pinsannu a ttia
Ca mi lassasti sulu cu li me peni
Nun ti curasti di la vita mia
E nun capisti ca ti vogghiu beni.
Luntanu ti nni isti e lu distinu
Ti preparau li cosi a manu a manu,
Tu ora ca ti cunsoli cu nautru amuri
Un sacciu si iddu tu mi pensi cchiù.
Vita da vita mia si senza cori
Ni la spiranza ca mi penzi ancora,
Fallu saziari tu di veru amuri
Ca nuddu sapi amari comu sai tu,
Nun pozzu cchiu scurdari l’ultima vota
Quannu smaniavi pi strinciri a mmia,
Quantu vasati duci chi t’haiu datu
Comu si po scurdari dimmellu tu.
|
||||
9. |
Linzola
05:12
|
|||
|
Linzola
Linzola stinnuti n’da li cordi
Ca cu lu ventu assai rumura fannu.
Iu staiu n’zunnutu n’da lu lettu
Cunfunnu sti rumuri cu la to prisenza.
E quannu rapu li me occhi e m’arrispigghiu
Mi torna n’menti ca t’innisti,
Mi torna n’menti ca t’innisti.
Allura mi vestu di sti linzola bianchi
E tornu a chiudirimi li occhi,
Cu la spiranza di rincuntrariti ndo sonnu
Ed essiri cu ttia lu sonu di lu ventu.
E quannu rapu li me occhi e m’arrispigghiu
Mi torna n’menti ca t’innisti,
Mi torna n’menti ca t’innisti.
|
||||
10. |
Nun c'è tempu
03:25
|
|||
|
Nun c'è tempu
Nun c'è tempu pi fari la guerra e nun c'è tempu pi fari l'amuri,
Nun c'è tempu p'ammalarisi e nun c'è tempu pi lu dutturi.
E sata la corda e satala mò, ca si nun la sati cadiri vò,
E sata la corda e satala mò, ca si nun la sati cadiri vò.
Cadi comu un saccu vacanti
Cadi San Petru cu tutti li santi,
Cadi n'terra senza mutanni
Ridunu tutti e ti voti a tri banni.
Ti pigghia la siti, ti vivi tri litri
E poi ti m'briachi e iecchi li vuci
Ti mettunu n'cruci pirchi si felici
Tu cadi n'terra comu na nuci,
Fa scrusciu di chinu supra lu vacanti
Si susi San Petru cu tutti li santi.
E sata la corda e satala mò, ca si nun la sati cadiri vò,
E sata la corda e satala mò, ca si nun la sati cadiri vò.
Nun c'è tempu pi studiari e nun c'è tempu pi travagghiari
E nun c'è tempu pi essiri boni e nun c'è tempu pi essiri tinti.
E sata la corda e satala mò, ca si nun la sati cadiri vò,
E sata la corda e satala mò, ca si nun la sati cadiri vò.
Cadi comu un maccarruni,
Cadi di l'arburu lu pirittuni,
Cadunu i stiddi e li capiddi,
Cadunu i vecchi e li piciriddi,
Occhi chini e manu vacanti
Cadunu n'terra tutti quanti.
Cadi cu si susi, cu cusi li sposi,
Lu spertu e lu fissa, cu dici la missa,
Cu si la spassa e cu ci la scassa,
Si rumpi la nassa e cadunu i pisci,
Cadi n'terra senza mutanni,
Si susi San Petru cu tutti li santi.
E sata la corda e satala mò, ca si nun la sati cadiri vò,
E sata la corda e satala mò, ca si nun la sati cadiri vò.
|
||||
11. |
Bedda
04:36
|
|||
|
Bedda
Bedda ca di la notti un mi fai ripusari
Ca tuttu lu sonnu mi levi,
Senza di li to occhi nun sacciu stari
E quannu unni viu mi l’haiu a figurari.
Comu si bedda, tutta sciuriata,
Pari na Dea do marmu scurpita,
Comu vulissi ca fussi a me zita,
Di quannu ti vitti persi la nuttata.
Di quannu ti vitti persi la nuttata.
Di quannu ti vitti persi la nuttata.
E iu n’di la notti ti vegnu a circari,
Sutta lu to varcuni vegnu a cantari,
Comu si bedda, tutta sciuriata,
Pari na Dea do marmu scurpita,
Comu vulissi ca fussi a me zita
Di quannu ti vitti persi la nuttata.
Di quannu ti vitti persi la nuttata,
Di quannu ti vitti persi la nuttata.
|
||||
12. |
||||
|
Quannu si fa sira
Ah quannu si fa sira, la luna n'chiana n'da lu mari, n'da lu mari,
Lu celu si fa di milli culura, l'aceddi fannu l'amuri.
E lu ventu sciuscia e mi fa trimari
E sulu cu ttia iu vogghiu ristari.
Chi sciavuru di sitaredda inchi li me naschi e la me menti alligirisci.
Dammi un pezzu e pani senza nenti ca haiu fami di sapuri anticu e veru.
E lu ventu sciuscia e mi fa vulari
E sulu cu ttia iu vogghiu ballari.
|
||||
13. |
Comu na nuci
02:01
|
|||
|
Comu na nuci
Cu di sceccu fa cavaddu u primu cavusciu esti lu so.
Cu si nn’ammura de capiddi e de denti a si nn’ammura ma di nenti.
Dici ca na nuci dintra un saccu mancu scrusci
Ma iu la sentu cantari.
Ufuli, rizzi, pateddi e aranci, spenni assai e nenti manci.
A quartara va all’acqua o si rumpi o si sciacca.
Un patri campa centu figghi e centu figghi nun campunu on patri.
Quantu sunnu li scinnuti tanti sunnu li n'chianati.
Dici ca na nuci dintra un saccu mancu scrusci
Ma iu la sentu cantari.
A iaddina ca camina s'arricogghi ca vozza china.
O di lignu o di nuci ognunu c'havi la so cruci.
Dici can a nuci dintra un saccu mancu scrusci
Ma iu la sentu cantari.
|
||||
If you like Giacomo Sferlazzo, you may also like:
Sorry I'm So Sensitive
by Bea Stewart
The second EP from Northern Irish singer-songwriter Bea Stewart runs from gentle folk to pillowy pop ballads, all perfectly executed.
go to album
The Room
by Fabiano do Nascimento & Sam Gendel
featured on Bandcamp Radio Jan 9, 2024
go to album
Stirring Americana set to acoustic arrangements and topped by the legendary Alice Gerrard’s lovely, world-wise voice.
go to album
Michelle Stodart’s folk music captures hope in melancholy, addressing the transformational aspects of the most challenging times.
go to album
Veneer (20th Anniversary Deluxe Edition)
by José González
featured on Bandcamp Radio Aug 29, 2023
go to album
Introspective, homespun folk tunes from John Donne that feel informed by the sugary bleakness of '80s and '90s indie pop.
go to album
Das Nuvens
by Fabiano do Nascimento
featured on Bandcamp Radio Jun 20, 2023
go to album
